La Vivo Ne Justas

La komuna okcidenta religio promesas rekompencon post morto por instigi bonan konduton. Tia 'moraleco' promocias la infanan plendon ke "la vivo ne justas" ĉar ĝi promesas pagi al la kredantojn laŭ iliaj suferoj.

Tamen mi ne kredas je tia dio, kiu estas avara kontrevizoro.

Persone, mi opinias ke plibonas zorgi aliulojn ĉar ni scias noblecon en niaj koroj. Ĉiu ŝatas heroecon. Ni nure devas demandi de ni mem, "En ĉi tiu situacio, kion farus iu, kiun mi admirus?" ...tiam faru tiel.

Revu Grande

Laŭ kanto de Ryan Shupe:

Kaj kiam vi revas, revu grande;
Tiom grande kiom la oceano blua.
Ĉar kiam vi revas, ĝi eble okazos.
Do kiam vi revas, revu grande.

Nu, mi tiel revas pri feliĉa geedzeco. Ja granda revo! ;-) Sed freŝdate mi trovis ion, kio eble helpos min. Tio estis retpaĝo pri "kareso-festoj" (www.cuddleparty.com). Kompreneble la precipa materialo estis por mi sentaŭga, sed iliaj teorioj provokis min pensi.

La plej grava afero, laŭ ili, estas establi etoson de tuta sekureco. La sekvanta sugesto rilatis al la unua, ... "ne koitu". Ili prezentis kialon pri korpa ĥemio sed mi dubas ilian sperton pri tiu scienco. Tamen, ilia analizo de la efikoj estis konfirmita per mia persona sperto. Tial mi decidis adopti similan metodon por plibonigi mian geedzecon.

Evidente, ĝi sukcesas. Nu, almenaŭ je lasta nokto. Mi petis la rajton, ĉiufojen, kiam mi volis tuŝi mian edzinon aŭ kisi ŝin kaj mi fojfoje demandis denove, "Ĉu ĉi tio plaĉas al vi?" Kaj kiam nia karesado iĝis tro koitema, mi neis (ĝentile) kaj diris ke mi ne intencis koiti je tiu nokto sed preferis prokrastigi tiun plezuron ĝis alian nokton, "kiam ni ne tiom lacos".

Entute, lasta nokto ĉi tiu mateno estis tre agrabla. Eble ĉi tiuj ideoj estos bonaj rimedoj por helpi min. Tiel mi revas.

Denove mi Sopiras

Kia fia ciklo, ĉu ne? Foje mi sopiregas, poste mi sategas kaj ĝojegas mallonge. Mi esperas ke mia vivo ŝanĝigas por ĉiam sed poste mi denove sopiregas... longe...

Ho, mi tediĝas pri ĉi tia ciklo.

Eble mi estas iel kulpa. Mi ne scias. Eble mi baras la koron de mia edzino, sed ne konscie.

Diru al mi, iu, kiu konas. Kiel mi venkas la koron de mia amato, mia edzino?

Kiel?

Mi Ne Sentas Heroa

Mi ne sentas heroa hodiaŭ, nur laca kaj venkita. Dum la lastaj kelkaj tagoj, nenia konversacio sukcesis inter mi kaj mia edzino. Ĉiam ĝi falas al la radiko de la afero: ŝi postulas ke mi estu kristano sed mi ne volas tiel falsi.

Je lasta nokto ŝi diris, "Ni ne povas konstrui ian estontecon kune," kaj mi silente akordis. Ŝi demandis, "Ĉu vi volas foriri?" Kion mi povis diri? Ja mi volus eskapi ŝian kondamnadon sed ne, mi volas lasi nek ŝin nek niajn gefilojn. Sed la situacio malboniĝas po tage, ĝis mi fine opinias ke malgeedziĝo estus plibona.

Do nun, kiam mia kapo ŝtopiĝas per pensoj pri juraj documentoj kaj malmultekostaj apartamentoj, mi memkonsilas ke mi devas diskuti ĉi tiajn aferojn kun miaj gepatroj. Ili ja estas kristanoj sed mi estas ilia filo. Eble ili zorgos pri mi pli ol pri la dio de mia edzino. Eble ilia vidpunkto helpos min.

Ĉu Mi estas Mistraktulo?

Mia edzino ĉiam imagas ke ŝi suferas ian malbonan aferon, pri kiu ŝi laste aŭdis. Pli frue, ekzemple, ŝi plendis ke ŝi malsanis pro la fama "birda gripo". Antaŭ tio, ŝi eĉ timis pri la uragano "Vilma"... malgraŭ ni loĝas en Viskonsino. Nu, la nova modo ĉe la kirko, kien mia familio ĉeestas, temas pri geedza mistraktado. Kompreneble, mia edzino nun sentas ke ŝi havas ankaŭ tian problemon.

Laŭ amatora retpaĝo, "unu po tri virinoj estas mistraktita, kaj el ili, la duono pro tio mortas." Nu se oni kalkulus racie, ĝi sugestas ke unu po ses virinoj estas murditaj! Ridinde!! Kelkaj profesiaj retpaĝoj havas testojn por determini ĉu iu estas mistraktanta (aŭ mistraktonta). Laŭ tiuj testoj, mi aspektis kiel malhonorinda aĉulo... sed mia edzino aspektis preskaŭ krima laŭ la sama testo. Kaj tiu "Jesuo", vipanta fremdulojn publike ktp., aspektis plej terura ol ĉiuj!

Tamen, mi ja rekonas signojn de mistraktado (inter ambaŭ) en nia geedza rilatado. Do, kion ni povas fari? Unu paĝo preskribas "daŭrantan terapion" sed alia diras "nepre disigu vin". Laŭ ĉiu fonto, se mi ne konsentas ke mi kulpas sole kaj riverencas servante, ili rekomendas malgeedziĝon.

Eble ĉi tiam mia edzino formordas plimulte ol ŝi povas maĉi.