Pri Kio Vi Revas?

Je lasta merkredo, mi kaj mia edzino partoprenis en "emeritoplananta" vespermanĝo.  Per invito de profesia financoplanisto, ni manĝis stekon kaj poste ni aŭskultis lian prelegon.  La steko bongustis kaj la prelego enhavis kelkajn interesindajn punktojn sed la plej grava temo (laŭ mi) estis aron de simplaj demandoj.

"Kiel vi volos vivi emerite?  Kion vi volos fari?  Kien vi volos vojaĝi?  Pri kio vi revas, por via emeriteco?"  La preleganto rakontis pri lia ofta sperto, demandanta ĉi tiel.  "Mi fiŝkaptos!" deklarus edzo sed lia edzino tien demandus de la edzo, "Kun kiu vi fiŝkaptos?"  Tro ofte, laŭ la parolanto, geedzoj ne diskutas ĉi tiajn aferojn.  Dum li diris ĉi tion, mi rigardis mian edzinon signifante.  Kiam ni eliris, mi demandis, "Kiajn sonĝojn havas vi, por nia estonteco?"  Ŝi nek respondis nek rigardis je miaj okuloj.  Eĉ dum kelkaj tagoj poste, ŝi ne volis respondi pri ĉi tiu afero.

Ĉu ŝi abomenas la penson pri pliaĝantaj ni kune?  Eble. Ŝajnas ke ŝi jam abomenas vivanta kun mi, kaj mi ne povas imagi la kialon, tial mi restus kun iu, kiu malamas min.  Ĉu ŝi aŭ mi iniciatos la malgeedziĝon?  Kaj kiam?

Ve!  Jen nia emerita plano.