La Planita Vojaĝo

Baldaŭ, je februaro, ni vojaĝos al la usona ŝtato de "Florida".

Ni diskutis ĝin dum la pasintaj monatoj sed nun, fine, mi mendis la biletojn kaj rezervis domon kaj aŭton por lui dum nia vizito. La mono estas spezita, do nun ni devas iri (ĉar nuligi la rezervojn estus multekosta). La flugoj estos rektaj kaj la aŭto estos granda sed la plej interesa detalo estas la domo. Anstataŭ hotelo, ni luos tri-litoĉambran domon kun naĝbaseno. Ĝi estos pli privata ol hotela ĉambro kaj pli granda. Surprizinde, ĝi ne estos pli multekosta! Nu, eble nesurprizinde ...ĉar ni ne havos la servojn de hotelo.

Unue, kiam ni alvenos, eble ni povos spekti raketlanĉon ĉe la "Keneda Kosmocentralo". Ne ia modela raketo; reala, granda raketo! Ni planas turnei la kosmocentralon kaj viziti la plaĝon, malgraŭ la temperaturo probable ne konvenos por naĝado. (Mi opinias ke je februaro ni ĝojos nur vidi iom ajn da akvo likva anstataŭ glacio kaj neĝo.)

Je alia tago (aŭ du tagoj), ni vizitos "La Diznijan Mondon". Laŭ niaj parencoj, ni devos vidi la parton nomitan kiel "Animala Regno". Ni devas legi plu antaŭ ni decidos. Kaj la cetero el la semajno estas nedeciditaj. Eble ni turneos la marŝegon, aŭ veturos al la Golfo de Meksiko. Mi esperas viziti malnovan hispanan fortikaĵon.

Hm... mi scivolas ĉu mi povus renkonti iun ajn Floridanan esperantiston?