"Mi estas folio sur la vento..."

Mi havis eventplenan semajnfinon, komencantan je vendredo vespere. Mia filino okupis ŝian tempon plejparte kun mia edzino (aĉet-ad-ad-ad-e) sed mi kaj miaj filoj faris multajn aferojn.

Je vendredo nokte, mi instruis mian plej junan filon pri lia praktiko, ludanta la pianon. Li ripete fuŝis unu eron de la kanto, kaj mi fine malkaŝis la kialon; la piano misfunkciis. Do, mi dismuntis duonon de la piano, purigis ĝin, riparis ĝin, lubrikis ĝin, eĉ faris novan vatpecon por meti anstataŭ alion, kiu estis difektita. Poste, ĉiuj samopiniis ke la piano estis multe plibonigita. Mi nur ĝojis ke mi ne fuŝis ion alian dum mia riparado.

Mia filo Aleĉjo, kiu ŝatas konstrui modelojn, sendis unu modelon al model-ekspozicio en alia urbo (Madisono) kaj je sabato matene ni prenis kvar pluajn modelojn al plilokan ekspozicio. Ĉiu modelo gajnis premion! Tio surprizis lin (kaj min), speciale ĉar lia modelo ĉe Madisono konkuris en la "matura" kategorio kaj gajnis la plejaltan premion.

Je sabato tagmeze, miaj plijunajn filojn Danĉjo kaj Joĉjo volis fari "sciencan eksperimenton". Ili havis pakaĵon el la scienca butiko ("American Science and Surplus", plej interesa vendejo!) kaj ili volis miksi la kemiaĵojn. Do, ni faris tion, kaj tiam repurigis la kuirejon. Samtempe, mi finis la vestpuradon kion mi komencis tiun matenen kaj gladis iom da tio. Ja, mi gladas... eĉ pli sperte ol mia edzino sed ne pli ofte.

Je sabato vespere, laŭ mia antaŭa aranĝo, mi renkontis kun du malnovaj amikoj kiujn mi ne vidis dum multaj jaroj, kaj ni vidis filmon ("Serenity") kune en kinejo. Ni ĉiuj tre ĝuis ĝin, kaj miaj amikoj ŝajnis ĝui la postan konversacion. Ili iris al trinkejo kune, dum mi revenis hejmen kiel mi promesis al mia edzino. La filmo enhavis multe por pridiskuti, kaj mia favorata parto estis kiam la piloto aviadis tra danĝerega situacio kaj li diris hipnote, "Mi estas folio sur la vento. Jen mi ŝvebflugas."

Je dimanĉo mi daŭris helpi kun purigado de domo, vestoj, tapiŝoj, litoj, ktp. Mi prenis mian familion al kirko kaj provis ne dormi. Mi instruis Danĉjo kiel arkopafi, ĉar li volas lerni tion ĉi-jare. Sed mi povis fari nenion kion plaĉus al mian edzinon. Jen alia semajno senseksa, senkisa, senbrakuma malgraŭ mi klopodanta ŝian feliĉon.

Mi estas folio sur la vento.
Jen mi  -ĤRGKK!!