Tökakad de sökod "Voms vola"

Sevol-li vomi? Binof el 'Charisma Carpenter', jidramatan, kel pledof rouli ela 'Cordelia Chase' in televidasökod "Jiel 'Buffy' vampirideiflapan"!

Ekö tradutod vödema su pödaflan:

CHARISMA CARPENTER
FRANSÄN

Gretot: 5'7" [167,5 zimmets]
Mafots: 34-24-34 [85-60-85 zimmets]

Jiel 'Charisma Carpenter' (pron Fransänik: 'Car-pen-tee-ay' [at binon: 'Kar-pen-ti-e']) studof baoleti klatädik ed estudof dramatami pö Jul Lekanas.

Vödem su kad binon tatikälik. Balido, Lädül 'Carpenter' no binof Fransänan; pemotof ed edaglofof in zif 'Las Vegas'. I su kad stanon, das pronoy nemi 'Carpenter' Fransäniko: "Kar-pen-ti-e". Atos no veräton! Poyümoti "-er" Fransänapükik pronoy: "e", no "i-e"; poyümoti "-ier" pronoy: "i-e". E nem 'Carpenter' binon fom Linglänapükik; tradutod Fransänapükik binon 'Charpentier'.

Penet: Fiam "Women of the World" dalabon mödükamagitätis pro kad at. Pajonon su pad at äs musedabalat, e nefölot nonik ta mödükamagitäts padesinon.

Gololöd ge lü "Tuvots vönotavik"!