SIRKOTAKOMANDS BÄLDIK

"The Menace" fa els 'Elastica'

"The Menace" (Volapüko: "Täd") binon sirkotül telik (lunüpo pespetöl) fa grup Linglänik, 'Elastica'. Pledans binons jiel 'Justine Frischmann' (kanitan e gitaran), hiel 'Paul Jones' (gitaran), jiel 'Annie Holland' (bäfan), jiel 'Mew' (gelan e kanitan), hiel 'Justin Welch' (truman) e hiel 'Dave Bush' (gelan). Musig binon el 'pop' vemo vilälik, äs su sirkotül balik, ab ko gels leäktronik. Lids "Human" e "Nothing Stays the Same" sumons löminis de lids fa grup 'Wire', e hiel "Mark E. Smith" pledom in lid "KB" e pledom e kanitom in lid "How He Wrote Elastica Man". Els 'Elastica' i plösenons lidi famik fa els 'Trio': "Da Da Da". Lid lelöfikün oba binon el "Generator" bunöl.

Lids binons: "Mad Dog" (Dog vutik), "Generator" (Fatan), "How He Wrote Elastica Man" (Vio epenom mani: 'Elastica'), "Image Change" (Magodavotülam), "Your Arse My Place" (Glüet olik, plad obik), "Human" (Menik), "Nothing Stays the Same" (Nos blibon otik), "Miami Nice" (Söto äs zif 'Miami'), "Love Like Ours" (Löf äs obsikos), "KB", "My Sex" (Gen obik), "The Way I Like It" (Viomodo löfilob oni) e "Da Da Da".

De fiam 'Deceptive', lisedanum: BLUFF075CD. Epubon ün mäzul yela 2000.

"The Powerpuff Girls: Heroes & Villains" fa musigans difik

Atimo no labob timi ad penön krüti detülik, ab SIRKOTÜL AT BINON SÜPERIK, KLU REMOLÖD ONI!

Lids binons: "The Powerpuff Girls (Main Theme)" (Jipuls 'Powerpuff' (Letiädamusig)), "Go Monkey Go" (Gololöd, o lep, gololöd!) fa els 'Devo', "Pray for the Girls" (Plekolsöd pro jipuls) fa hiel 'Frank Black', "Signal in the Sky (Let's Go)" (Mal in sil (Golobsös!)) fa els 'Apples in Stereo', "Walk & Chew Gum" (Futogolön e tuetön gumi) fa els 'Optiganally Yours', "Buttercup (I'm a Super Girl)" (Jiel 'Buttercup' (Binob susjipul)) fa els 'Shonen Knife', "B.L.O.S.S.O.M." fa els 'Komeda', "Bubbles" fa els 'Dressy Bessy', "Fight the Power" (Bekomipolsöd nämädi!) fa els 'Bis', "Don't Look Down" (No doniologolsöd!) fa els 'Sugarplastic', "The Fight" (Komip) fa hiel 'Cornelius', "Friends Win" (Flens vikodons) fa hiel 'Bill Doss' e "The Powerpuff Girls (End Theme)" (Jipuls 'Powerpuff' (Tiädamusig finik)) fa els 'Bis'.

De fiam 'Rhino', lisedanum: R2 75848. Epubon tü 2000 yulul 18.

"Fairy Light Nights" fa els 'All About Eve'

"Fairy Light Nights" (Volapüko: "Feyalitaneits") binon sirkotül nulik fa grup Linglänik, 'All About Eve', e binon lasum balid onsik sis MGS "Ultraviolet" ün yel 1992. Pledans binons jiel 'Julianne Regan' (kanitan), hiel 'Andy Cousin' (bäfan) e hiel 'Marty Willson-Piper' (gitaran); hiel 'Mark Price' (truman) no ekomom lä konsärts at. Lids pelasumons dü konsärts in Linglän ün yanul e febul yela 2000. Plösens binons jöniks, pato lidas lelöfikün oba: "Martha's Harbour", "Shelter from the Rain" (ko gitarapled mastik) e "Are You Lonely" (ko vög lejönik jiela 'Julianne' gloriküno). Bevü lids deg i binons luspikots suvo lefrediks de grup.

Lids binons: "What Kind of Fool" (Fopan kisotik), "In the Clouds" (In lefogs), "Forever" (Laidio), "Share It with Me" (Dilolöd oni ko ob), "Will I Start to Bleed" (Oprimob-li ad bludön), "Miss World" (Lädül Vol), "Martha's Harbour" (Pof jiela 'Martha'), "Shelter from the Rain" (Nuf ta rein) e "Are You Lonely" (Binol-li soalik).

De fiam 'YEAAH!' (diläd fiama 'Almafame'), lisedanum: YEAAH!8. Epubon ün yunul yela 2000.

Revidot nulikün: 2008 febul 5
Dabükot balid: 2000 yunul 30
Tikamagot e jenöfükam fa hiel 'Arden R. Smith' (erilaz@earthlink.net)

* Lomapad * Donatiäds * Drims svidik * Fotografotalabun * Löfäbs * Sevol-li? * Silanans hiela 'Charlie' * Sirkotakomands * Tuvots vönotavik * Potakads Volapükik * Volapükayüms *